Anche a Trieste scata la operazion Week-end “Salvemo le nostre tombe”, dal 13 al 15 otobre 2023, per preservar digitalmente el nostro patrimonio genealogico e tombal
Dal 13 al 15 otobre 2023, scata qualche foto de tombe in un zimitero vizin de casa tua.
Xe perchè i zimiteri xe una de le risorse più importanti per i genealogisti, Geneanet ga creà el progeto “Salvemo le nostre tombe” per fotografar le tombe prima che le sparissi.
Dal 13 al 15 otobre 2023, gavemo bisogno de ti per fotografar più tombe posibili, in tuto el mondo, con l’app per celular Geneanet o co la tua machina fotografica.
Se no te pol scatar foto in un zimitero, te pol iutar a indicizar le foto za esistenti ne la base de dati colaborativa Geneanet.
Come partecipar ?
1. Se te ga un celular o un tablet
- Instala l’aplicazion GeneaGraves per Android e iOS,
- Va in un zimitero vizin casa tua, verzi l’aplicazion, seleziona un progeto o crea uno novo, po scata tute le foto che te vol,
- Quando te torni a casa, manda le foto sul tuo conto Geneanet partindo da un colegamento Wi-Fi. Le tue foto sarà visibili gratis a tuti i membri Geneanet.
2. Se no te ga celulare o tablet
- Va in un zimitero vizino casa tua e scata qualche foto de tombe co la tua machina fotografica,
- Quando te torni a casa, salva le foto nel tuo computer personal e va su it.geneanet.org/cimitero/upload.
Te preghemo de fracar qua per veder se i zimiteri vizini de casa tua xe za stadi fotografadi.
