La star Patti Smith sugela la fradelanza fra Gorizia e Nova Gorica – 8 mila persone al ex valico de frontiera per el concerto promoso dal GECT GO in avicinamento a la Capitale Europea de la Cultura
Otomila persone taliane e slovene col bracialeto GO! BORDERLESS che canta insieme a Patti Smith e al ospite a sorpresa Elisa “People Have the Power”: sta qua sicuramente l’imagine più bela de la serata del 5 otobre a Gorizia. Sto qua xe el spirito de union e fradelanza voludo dal promotor GECT GO, Grupo Europeo de Cooperazion Teritoriale de Gorizia che ga la mision de “costruir” una cità transfrontaliera e che ga fortemente voludo el concerto.
Al final del la esibizion i sindaci Rodolfo Ziberna (Gorizia) e Samo Turel (Nova Gorica), compagnadi da la diretrice del GECT GO Romina Kocina, ga consegnà nel backstage un omagio de la cità a la star statunitense, per ringraziarla del suo “batizo” sul ex confin: un altro momento simbolico nel percorso de colaborazion fra la “vecia” e la “nova” Gorizia – come xe ciamade in sloven – dò parti de la stesa cità. Fra i ospiti in tribuna anche i dò ministri sloveni Asta Vrečko, titolare del Ministero de la cultura, e Matej Arčon, referente pei Sloveni al estero.
Una esibizion dove Patti Smith, icona, sacerdotessa, dea del rock, ga dimostrà ancora una volta de eser un artista de grande carisma, nonostante l’età. Strassinante, poetica ma limpida nei sui mesagi, ga regalà a Gorizia e Nova Gorica una serata sai simbolica.
Neil Young, Lou Reed ma anche un omagio al recentemente scomparso Tom Verlaine dei Television – e da grandi temi de la sua poetica: natura, libertà, dignità del lavor, rispeto per le persone. Ne la band de la cantante anche el fio Jackson.
Un ora e meza de concerto scandido dai riferimenti a altri grandi della musica –
Cameo de Elisa per el bis, visibilmente emozionada prima del dueto – “xe un sogno esere qua – ga dito – Patti per mi xe una de le forze feminili più importanti del pianeta”.
Sul stesso palco xe montade, prima de la star statunitense, anche dò band scelte per verzer la serata: i Overlaps – band altpop/rock de Pordenon (IT) che ga calcà zà tanti palchi importanti in Europa – e i Imset, rock band slovena de Domžale (SI), che ga scaldà el publico co le sue sonorità incalzanti. I dò grupi xe stadi scelti fra le 70 candidature taliane e slovene ricevude da GECT GO per farte da spalla. A far i onori de casa Peter Szabo, tradutor e interprete che incarna la identità multilinguistica de l’area.
Sodisfazion dei organizatori per la grande afluenza da Italia e Slovenia e per el bon funzionamento de la location sul confin, el piazal da la Casa Rossa zà testado per el concerto dei Editors de inizio setembre. La gestion del publico no ga causado particolari problemi a la viabilità de l’area, grazie ai bus naveta gratuiti messi a disposizion per l’occasion de la aministrazion de Gorizia (in colaborazion co l’Azienda Provinciale Trasporti – APT Gorizia) e Nova Gorica e al lavor de squara fra le forze de l’ordine e i volontari de la Protezion Civile FVG.
»Gorizia e Nova Gorica se prepara cussì a afrontar insieme l’organizazion dei eventi internazionali de la Capital Europea de la Cultura 2025 – disi Romina Kocina, diretrice de GECT GO – co l’ambizion de ingrumar un grande publico curioso de viver l’esperienza de un teritorio a caval tra le culture, le lingue, le vicende storiche. Speremo inoltre che diventi una piaza atrativa per la musica internazional, anche oltre el 2025.«
El concerto del 5 otobre 2023 – gratuito e verto a tuti – xe sta promosso da GECT GO, in colaborazion co el Comun de Gorizia e Zenit Srl, come parte dei preparativi per GO! 2025.
Scaleta completa dei brani:
• Grateful
• Ghost Dance
• My Blakean Year
• Guiding Light (cover Television)
• Nine
• Dancing Barefoot
• Beneath The Southern Cross
• One Too Many Mornings (Bob Dylan cover)
• Peaceble Kingdome
• Pissing in a River
• After The Gold Rush (Neil Young cover)
• Because The Night
• People Have The Power
