BARCOLANA 55 – LOLLOBRIGIDA A BORDO DE PROSECCO DOC SHOCKWAVE3 – Per el Ministro prima regata grazie al Consorzio Tutela Prosecco Doc
Trieste, 6 otobre 2023 – El Ministro del la Agricoltura, de la Sovranità alimentare e de le Foreste, Francesco Lollobrigida, farà parte de la ciurma, domenica 8 otobre in ocasion de Barcolana 55, del Super Maxi Prosecco Doc Shockwave3, che punta al scalin più alto del podio, zà secondo posto ne la edizion pasada e anche nel recente Trofeo Bernetti che se ga tignù domenica 1 otobre. El ministro monterà su la barca, timonada anche sto ano de Mitja Kosmìna insieme a una squadra internazional formada de 17 regatanti e coordinada dai armadori imprenditori Claudio Demartis e Pompeo Tria, e de l’esperto velista e team manager Riccardo Bonetti.
Per la prima volta in asoluto el ministro Lollobrigida partecipa a una regata e a la Barcolana in particolar e come prima esperienza monterà propio, grazie al Consorzio de Tutela del Prosecco Doc, su Shockwave3 el maxi de 90 pie. Sabo per zonta sarà, a le 20.30, in tel stand del Masaf, dentro del Vilagio Barcolana per valorizar i prodoti de la pesca e del la aquacoltura taliana.
«Son sai entusiasto – ga dichiarado el imprenditor e armador Claudio Demartis – che dopo ani de colaborazion col Consorzio de Tutela del Prosecco DOC ghe sia a bordo una figura cussì importante per i nostri teritori che ofri prodoti de ecelenza co la speranza che possi esser de iuto in quel che xe un periodo difizile per el mondo de la filiera agroalimentar. Co granda gratitudine porteremo el ministro Lollobrigida a salpar, per la prima volta su una barca a vela, le aque del nostro mar.»
Dal Prosecco DOC Lounge cazado su le Rive de la Scala Real de fronte de Piaza Grande, dove xe ormegiado el Super Maxi Prosecco DOC Shockwave3, el Diretor del Consorzio de Tutela de Prosecco DOC, Luca Giavi, se ga cussì espreso: «Xe un onor per noi ospitar el ministro Lollobrigida su la “nostra” barca. Sarà ocasion per celebrar una volta de più el ligame esistente tra el Prosecco Doc e la cità de Trieste che, sai probabilmente per prima al mondo, nel 1715, ga capido l’importanza de certificare le sue produzioni “… per conservar il credito ai veri e genuini Prosecchi”. Sarà una ocasion per brindar insieme al Sior ministro ma per ribadirghe, ancora una volta, se ghe fussi el bisogno, la necesità che la riforma su le IG, in discusion a Bruxelles, risolvi normativamente, una volta per tute, i potenziali confliti tra IG e menzioni tradizionali. Un tema che ne toca diretamente ma che riguarda, potenzialmente, tutte le denominazioni europee, e che, se no risolto, poderia incider negativamente su le future atività de tutela de tante denominazioni, no solo taliane.»
Ne la lounge costruida con container riziclai xe posibile gustar le tachete de Prosecco DOC e Prosecco DOC Rosé de le 15 aziende che ga aderido al evento, presidiada da somelier esperti per atività info-formative e de degustazion.
Ospiti a bordo de la barca domenica anche la content creator Anna Folzi e presentatrice TV e radio, scritrice e giornalista della BBC Leyla Kazim, che viverà in prima persona le emozioni de la regata.
Prosecco Doc Shockwave3 partecipa anche sto ano ala iniziativa No Plastic in the Ocean, progeto portado vanti de a One Ocean Foundation e dedicado a la sensibilizazion e a la mitigazion del inquinamento marino de plastica. L’adesion comporta la rimozion de diese chili de plastica fora del oceano per ogni miglio percorso de ogni singola barca invitada a aderir in ocasion de la Barcolana 55.
